சூலகப் புற்று நோய் [Ovarian Cancer]

ஒரு சூலகத்திலோ அல்லது இரண்டிலோ ஏற்படும் அசாதாரண வளர்ச்சி சூலக புற்று நோய் ஆகும்.இது முன்கூட்டியே அறியப்பட்டால் குணமாக்கலாம்;எனினும் பொதுவாக காலதாமதமாகவே இவை கண்டு பிடிக்கப்படுகிறது.

சாத்தியக்கூறு மிகுந்தவர்கள்

• 50 வயதினை தாண்டியவர்கள்.
• குடும்பத்தில் மார்பக, சூலக அல்லது பெருங்குடல் புற்று நோய் உள்ளவர்கள்.
• மிக இள வயதில் பூப்படைதல், காலதாமதமான மாதவிடாய் நிறுத்தம்.
• பிள்ளை பேறற்ற பெண் அல்லது 30 வயதுக்கு மேல் கருத்தரித்தல்
• அதிகளவிலான கொழுப்பு , குறைவான நார் உணவுகள் உட்கொள்ளல்.

அறிகுறிகள்
சூலகப் புற்றுநோய் அறிகுறிகள் முன்கூட்டி அறிவது கடினமாகும்.
பொதுவானவை:

• வயிற்று பகுதியில் கட்டி.
• வயிறு பெருத்தல்.
• வயிறு சுற்றளவு அதிகரித்தல்.
• எடை குறைதல்.
• அதிக தடவை சிறுநீர் கழித்தல் ,தன்னிச்சையாக சிறுநீர் வெளியேறுதல்.
• வயிற்று வலி.
• இடுப்பு வலி.

இவ்வாறான நோய் அறிகுறிகள் வேறு நோய்களுக்கும் பொதுவானது என்பதால் புற்று நோய் என ஊர்ஜிதப்படுத்துவது கடினமாகும்.

எவ்வாறு கண்டு பிடிக்கலாம்?
சில வேளைகளில் மருத்துவர் பரிசோதிக்கும் போது, கட்டி கண்டுபிடிக்கப்படலாம்; அல்லது வயிற்று பகுதி ஸ்கேன் செய்யும் போது கண்டு பிடிக்கப்படலாம். எல்லா கட்டிகளும் புற்று நோய் அல்ல.

அறுவை சிகிச்சையின் போது எடுக்கப்படும் சதைதுனுக்குகள் பரிசோதனையே சூலகப்புற்று நோயை ஊர்ஜிதப்படுத்தும்.
CA-125 எனும் இரத்த பரிசோதனை செய்யலாம்; இது வெவ்வேறு நோய்களில் அதிகரிப்பதால், இது ஒரு நல்ல சோதனை முறை அல்ல. எனினும் கணிக்க முடியும்.

சிகிச்சை முறைகள் என்ன?
அறுவை சிகிச்சையே பிரதான சிகிச்சை முறையாகும். இது சூலகங்கள், குழாய்கள் மற்றும் கருப்பையை அகற்றுவதன் மூலம் செய்யப்படும்.

அறுவை சிகிச்சையின் பின் பல மாதங்களாக மருத்துவ முறை சிகிச்சை வழங்கப்படும்.
புற்று நோய் மீண்டும் ஏற்படலாம் – இதனால் வாழ்க்கை முழுவதும் தொடர் கண்காணிப்பு தேவை.

இதனால் CA-125 , ஸ்கேன் என்பவை தொடர்ச்சியாக செய்யப்படவேண்டும்.